హైదరాబాద్ : కాంచన 3 సినిమాలో దెయ్యం పాత్రలో నటించిన రష్యన్ నటి అలెగ్జాండ్రా (24) జావి అనుమానస్పద రీతిలో మృతి చెందింది. గోవాలో ఆమె అద్దెకు ఉంటున్న ఇంట్లోనే ఉరి వేసుకుని కనిపించింది. అయితే ఆమెది ఆత్మహత్యేనా.. లేక ఎవరైనా హత్య చేశారా.. అనే కోణంలో పోలీసులు దర్యాప్తు చేస్తున్నారు. అయితే ఆమె ఇటీవల తన బాయ్ఫ్రెండ్తో బ్రేకప్ చెప్పి డిప్రెషన్తో బాధపడినట్టు తెలిసింది. దాంతో ఆమె ఆత్మహత్య చేసుకుందేమోనని అనుమానిస్తున్నారు. అలాగే 2019లో చెన్నైకి చెందిన ఓ ఫొటోగ్రాఫర్ తనను శారీరకంగా వేధిస్తున్నాడంటూ అలెగ్జాండ్రా.. పోలీసులకు ఫిర్యాదు చేసింది. దాంతో అతన్ని అరెస్టు చేశారు. ఇప్పుడు అలెగ్రాండ్రా మరణంతో ఆ ఫొటోగ్రాఫర్ పై అనుమానంతో మరోసారి ప్రశ్నిస్తున్నట్టు సమాచారం. నటి బంధువులకు సమాచారం ఇచ్చినట్టు తెలిసింది.