హైదరాబాద్ :  ఓ కూర‌గాయలు అమ్ముకునే వ్యక్తిపై ముగ్గురు కలిసి దాడికి పాల్ప‌డ్డారు. ముగ్గురు నిందితులను పోలీసులు అదుపులోకి తీసుకున్నారు. ఈ ఘటన మ‌హారాష్ట్ర రాజ‌ధాని ముంబైలోని మ‌తుంగ ఏరియాలో చేసుకుంది.
     స్థానికులు తెలిపిన వివరాల ప్రకారం.. మ‌తుంగ ఏరియాకు చెందిన ఉద‌య్ నాడార్ స్థానికంగా ఓ కూర‌గాయల మ‌డిగ‌ను అద్దెకు తీసుకుని వ్యాపారం చేశేవాడు. అయితే దాడికి గురైన బాధితుడు అతని దుకాణంలో జీతానికి ప‌నిచేసేవాడు. ఇటీవ‌ల లాక్ డౌన్  అనంతరం ఉద‌య్ నాడార్ ద‌గ్గ‌ర ప‌నిచేసిన బాధితుడు నేరుగా దుకాణం య‌జ‌మానితో మాట్లాడుకుని సొంతంగా వ్యాపారం నిర్వ‌హిస్తున్నాడు. ఇది తెలిసిన ఉద‌య్ నాడార్ ఆదివారం మ‌రో ఇద్ద‌రు స్నేహితుల‌తో క‌లిసి బాధితుడి కూర‌గాయల దుకాణానికి  వచ్చాడు.  కూర‌గాయ‌లు కొనేందుకు వ‌చ్చిన‌ట్టు న‌టిస్తూ దుకాణం లోప‌లి వ‌ర‌కు వెళ్లాడు. అక్క‌డి బాధితుడిపై దాడికి పాల్ప‌డ్డాడు. అత‌ని వెంట వ‌చ్చిన బాల‌కృష్ణ నాడార్ కూడా బాధితుడిపై చేయిచేసుకున్నాడు. ఈ దృశ్యాల‌న్నీ బాధితుడి కూర‌గాయ‌ల దుకాణంలో ఉన్న సీసీ కెమెరాలో రికార్డ‌య్యాయి. ఈ ఫుటేజ్ తీసుకెళ్లి బాధితుడు.. పోలీసుల‌కు ఫిర్యాదు చేశాడు. దాంతో కేసు న‌మోదు చేసిన పోలీసులు ముగ్గురు నిందితులను అరెస్టు చేశారు.