హైదరాబాద్ : జమ్మూ కశ్మీరులోని బారాముల్లా జిల్లా సోపోరి ప్రాంతంలోని పీత్ సీర్ గ్రామ పరిసరాల్లో కేంద్ర భద్రతా బలగాలు, ఉగ్రవాదులకు మధ్య ఎదురుకాల్పులు చోటుచేసుకున్నాయి. ఉగ్రవాదులున్నారనే సమాచారం మేరకు జమ్మూకశ్మీర్ పోలీసులు సెంట్రల్ రిజర్వు పోలీసు ఫోర్సుతో కలిసి మంగళవారం గాలింపు చేపట్టారు. ఈ క్రమంలో సీఆర్ పీఎఫ్ జవాన్లపై ఉగ్రవాదులు కాల్పులు జరిపారు. దీంతో జవాన్లు కూడా ఎదురు కాల్పులు జరిపారు. అయితే కాల్పులు ఇంకా కొనసాగుతున్నట్టు సమాచారం. అనంతరం గ్రామం నలువైపులా సీలు వేసి విద్యుత్ దీపాలు ఏర్పాటు చేశారు.
మీ స్నేహితులకు రికమెండ్ చెయ్యండి
