హైదరాబాద్ : వాహనాదారులకు కాస్త ఊరట లభించింది. మంగళవారం పెట్రోల్, డీజిల్‌ ధరలు స్వల్పంగా తగ్గాయి. లీటర్‌ పెట్రోల్‌పై 15 పైసలు, డీజిల్‌పై 15 పైసలు తగ్గించాయి. దాంతో హైదరాబాద్‌లో పెట్రోల్ రూ.105.54.. డీజిల్‌ రూ.96.99 కాగా దేశ రాజధాని ఢిల్లీలో లీటర్‌ పెట్రోల్ ధర రూ.101.49, డీజిల్‌ ధర రూ.88.92కు చేరింది. ముంబైలో పెట్రోల్ లీటర్‌కు రూ.107.52, డీజిల్‌ రూ.96.48కు చేరింది. అయితే ఈ ఏడాది మే, జూలై మధ్య లీటర్‌ పెట్రోల్‌పై చమురు కంపెనీలు రూ.11.52 వరకు పెంచిన సంగతి తెలిసిందే. ఈ నెల 22న పెట్రోల్ ధరపై 20 పైసలు తగ్గగా, డీజిల్‌ ధర ఈ నెల 18, 20 తేదీల్లో 20 పైసల చొప్పున తగ్గింది.
మీ స్నేహితులకు రికమెండ్ చెయ్యండి
