హైదరాబాద్ : హీరో రామ్ చరణ్ 25 లక్షలు గెలుచుకున్నారు. ఎక్కడో కాదు ఎన్టీఆర్‌ వ్యాఖ్యాతగా వ్యహరిస్తోన్న బుల్లితెర కార్యక్రమం ఎవరు మీలో కోటీశ్వరులు లో.  గెలుచుకున్న 25 లక్షలను చిరంజీవీ చారిటబుల్ ట్రస్ట్ కు ఇవ్వనున్నారు.
            ఎవరు మీలో కోటీశ్వరులు కార్యక్రమం ఇటీవల ప్రారంభం కాగా తొలి కంటెస్టెంట్‌గా హీరో రామ్‌చరణ్‌ వచ్చారు. ఎన్టీఆర్, రామ్ చరణ్ ల మధ్య షో షుషారుగా సాగింది. ఈ కార్యక్రమంలో ఆదివారం, సోమవారం ఓ టీవీ ఛానెల్ లో ప్రసారమైంది.  అయితే రామ్ చరణ్ మొత్తం 13 ప్రశ్నలకు సరైన సమాధానం చెప్పి రూ.25,00,000 గెలుచుకున్నారు.అనంతరం సమయం ముగియడంతో 25 లక్షల చెక్కును రామ్ చరణ్ కు ఎన్టీఆర్ అందజేశారు. ఈ 25 లక్షలను రామచరణ్ తన తండ్రి  చిరంజీవీ చారిటబుల్ ట్రస్ట్ కు ఇవ్వనున్నట్టు తెలిపారు.