హైదరాబాద్ : జమ్మూ కశ్మీర్ లోని బారాముల్లా జిల్లాలో సోపోర్‌లో ముగ్గురు ఉగ్రవాదులను భద్రతా దళాలు మట్టు బెట్టాయి. మంగళవారం తెల్లవారు జాము నుంచి భద్రతా దళాలు, ఉగ్రవాదులు మధ్య కాల్పులు జరుగుతున్న సంగతి తెలిసిందే.
          సోమవారం రాత్రి పెత్‌సీర్‌ గ్రామంలో ఉగ్రవాదులు దాక్కున్నారని సమాచారం అందిందని కశ్మీర్‌ జోన్‌ పోలీసులు తెలిపారు. ఈ మేరకు స్థానిక పోలీసులు, ఆర్మీ 52ఆర్‌ఆర్, సీఆర్పీఎఫ్‌ 177, 179 బెటాలియన్‌కు చెందిన 92 మందితో కూడిన బృందం గ్రామాన్ని చుట్టుమిట్టి కార్డన్‌ సెర్చ్‌ ఆపరేషన్‌ ప్రారంభించింది. ఈ క్రమంలో  ఉగ్రవాదులు అది గమనించి కాల్పులు జరిపారు. తిరిగి భద్రతా బలగాలు కాల్పులు జరపడంతో ముగ్గురు ఉగ్రవాదులు ఇప్పటివరకు హతమయ్యారు. ఇంకా ఎన్ కౌంటర్ కొనసాగుతున్నట్టు సమాచారం. ఎన్‌కౌంటర్‌ నేపథ్యంలో మొబైల్‌ ఇంటర్నెట్‌ సేవలను తాత్కాలికంగా నిలిపివేశారు. అలాగే శ్రీనగర్‌-బారాముల్ల మధ్య రైలు సేవలను సైతం నిలిపి వేశారు.