రాయ్‌పూర్: స్నేహితుడి భార్యపై మోహంతో ఆమెతో అసభ్యంగా ప్రవర్తించిన భారతీయ జనతా పార్టీకి చెందిన ఓ నేత చివరికి ఆమె చేతిలోనే చెప్పుదెబ్బలు తిన్నాడు. ఇంకో దారుణం ఏంటంటే.. కౌన్సిలర్‌తో తన భార్య శృంగారం చేసేందుకు భర్త అంగీకారం ఉండడం. బీజేపీ నేతను బాధితురాలు నిలదీయడానికి వచ్చిన సందర్భంలో ఆమె భర్త సదరు వ్యక్తితోనే ఉన్నాడు. పైగా భార్యకు సర్దిచెప్పే ప్రయత్నం చేశాడు. చివరికి అతడు కూడా తన భార్య చేతిలో చెప్పు దెబ్బలు తిన్నాడు. ఛత్తీస్‌గఢ్ రాష్ట్రంలోని బలోదాబజార్‌లో సోమవారం జరిగిందీ సంఘటన. సూర్యకాంత్ తమ్రకర్ అనే బీజేపీ కౌన్సిలర్ 15 రోజుల క్రితం తన స్నేహితుడి ఇంటికి వెళ్లాడు. అనంతరం తన స్నేహితుడి భార్యపై తనలోని కామవాంఛను వెల్లగక్కాడు. అయితే ఈ విషయం తెలుసుకున్న సరదు మహిళ.. బీజేపీ కౌన్సిలర్ షాప్‌కు ఒక అమ్మాయిని తీసుకుని వెళ్లింది. వదిన తల్లిలాంటిదని, ఇలా అడగడానికి మనసెలా వచ్చిందని నిలదీసింది. అయితే వదిన, మరుదుల మధ్య ఇలాంటివి సర్వసాధారణం అని ఆమెను ప్రలోభపెట్టే ప్రయత్నం చేశాడు కౌన్సిలర్. వెంటనే తన చెప్పు తీసుకుని అతడిని చెడాపెడా వాయించింది. అక్కడే ఉన్న భర్త ఆమెను అడ్డుకునే ప్రయత్నం చేశాడు. దీంతో అతడు కూడా ఆమె కోపానికి చెప్పుదెబ్బలు తిన్నాడు. సిగ్మా పోలీస్ స్టేషన్‌లో ఈ విషయమై కేసు నమోదు అయింది. కాగా, ఒక వ్యక్తిని అరెస్ట్ చేశామని, కౌన్సిలర్ పరారీలో ఉన్నట్లు సిగ్మా పోలీసులు తెలిపారు. ఇక భర్య పట్ల ఏమాత్రం గౌరవం, బాధ్యత లేని తన భర్తను వదిలేస్తున్నట్లు బాధితురాలు తెలిపింది.