అమరావతి: ఏపీలో గడచిన 24 గంటల్లో 58,890 కరోనా పరీక్షలు నిర్వహించగా 1,248 మందికి పాజిటివ్ అని నిర్ధారణ అయింది. అత్యధికంగా పశ్చిమ గోదావరి జిల్లాలో 238 కొత్త కేసులు నమోదయ్యాయి. చిత్తూరు జిల్లాలో 166, కృష్ణా జిల్లాలో 148, గుంటూరు జిల్లాలో 130, నెల్లూరు జిల్లాలో 120, ప్రకాశం జిల్లాలో 118 కేసులు వెల్లడయ్యాయి. అత్యల్పంగా కడప జిల్లాలో 19 కేసులు గుర్తించారు. అదే సమయంలో 1,715 మంది కరోనా నుంచి కోలుకోగా, 15 మరణాలు సంభవించాయి. రాష్ట్రంలో ఇప్పటివరకు 20,04,590 పాజిటివ్ కేసులు నమోదు కాగా... 19,77,163 మంది కరోనా నుంచి విముక్తులయ్యారు. ఇంకా 13,677 మంది చికిత్స పొందుతున్నారు. కరోనా మరణాల సంఖ్య 13,750కి పెరిగింది.