హైదరాబాద్: టాలీవుడ్ టాప్ హీరోల‌లో ఒక‌రిగా ఉన్న మ‌హేష్‌కి రికార్డులు కొత్త కావు. సినిమాలు, సోషల్ మీడియా ద్వారా మహేష్ ఖాతాలో అనేక రికార్డులు వ‌చ్చి చేరుతుంటాయి. తాజాగా ఆయ‌న నటించిన సర్కారు వారి పాట సినిమా ద్వారా కొత్త రికార్డ్ క్రియేట్ చేశాడు. సర్కారు వారి పాట సినిమా తెలుగులో మోస్ట్ ట్వీటెడ్ హ్యాష్ ట్యాగ్ మూవీస్‌లో మొదటి స్థానంలో నిలిచింది. దక్షిణాది ప‌రంగా చూస్తే మూడో ప్లేస్‌లో నిలిచింది. అజిత్ హీరోగా నటిస్తోన్న ‘వాలిమై’ ఎక్కువ మంది ట్వీట్ చేసిన సినిమాగా మొదటి స్థానంలో నిలిచింది. విజయ్ హీరోగా నటించిన ‘మాస్టర్’ రెండో ప్లేస్‌లో నిలిచింది. జనవరి 1 నుంచి జూన్ 30వ తేది వరకు దక్షిణాది సినిమా రంగానికి సంబంధించి ట్విట్టర్‌ విడుదల చేసిన జాబితాలో సర్కారు వారి పాట ఎక్కువ మంది ట్వీట్ చేసిన సినిమాగా మూడో స్థానంలో నిలవ‌డం విశేషం.
మహేష్ బాబు బర్త్ డే సందర్భంగా విడుదల చేసిన టీజర్‌కు మంచి రెస్పాన్స్ వచ్చిన విష‌యం తెలిసిందే. ఇందులో మహేష్ లుక్ ఆక‌ట్టుకునేలా ఉంది. . చిత్రంలో మహేష్ బాబు బ్యాంక్ మేనేజర్‌గా పాత్రలో కనిపించనున్నారు. సోషల్ మెసేజ్‌తో తెరెక్కిస్తున్న ఈ చిత్రంలో భారత బ్యాంకింగ్ రంగంలోని కుంభకోణాల‌ని చూపించ‌నున్నార‌ట. రీసెంట్‌గా ఈ సినిమా షూటింగ్ గోవాలో తిరిగి ప్రారంభమైంది. అది కూడా ఇంటెన్సివ్ ఫైట్ సీన్‌ను చిత్రీరిస్తున్నారు.
