హైదరాబాద్ : హైదరాబాద్ లో ని కాచిగూడలో రోడ్డు ప్రమాదం చోటుచేసుకుంది. గుర్తుతెలియని ద్విక్రవాహనం ఢీ కొనడంతో భార్య,భర్తలకు తీవ్ర గాయాలయ్యాయి. ఎస్సై బద్దుల నాగార్జునరెడ్డి తెలిపిన వివరాల ప్రకారం.. గోల్నాక డివిజన్‌ ఆర్టీసీ క్వార్టర్స్‌ ప్రాంతానికి చెందిన భార్య,భర్తలు జి.కృష్ణకుమార్‌, సునీతలు సరుకులు తీసుకురావడానికి ద్విచక్రవాహనంపై నింబోలి అడ్డాకు వెళ్లారు. తిరిగి ఇంటికి వస్తుండగా మార్గమధ్యలో హనుమాన్‌ దేవాలయ సమీపంలో గుర్తు తెలియని బైక్ వారిని ఢీకొట్టింది. దాంతో వారి తలకు, ఎడమ చేతులకు తీవ్రంగా గాయాలయ్యాయి. అనంతరం కృష్ణకుమార్‌.. కాచిగూడ పోలీసులకు ఫిర్యాదు చేశాడు. కాచిగూడ పోలీసులు కేసు నమోదు చేసుకొని దర్యాప్తు చేస్తున్నారు.