హైదరాబాద్ : జూపాక సుభద్ర రచించిన 'రిజర్వేషన్ బోగి` పుస్తకాన్ని హైదరాబాద్ లోని సుందరయ్య విజ్ఞాన కేంద్రంలో రేపు(శుక్రవారం) సాయంత్రం 6 గంటలకు ఆవిష్కరించనున్నారు. పారిశుధ్య కార్మికులు డి. కరుణ, ఎం. లక్ష్మిల చేతుల మీదుగా ఈ పుస్తకాన్ని ఆవిష్కరిస్తారు. ఈ కార్యక్రమానికి ముఖ్య అతిథిగా బీఎస్పీ జాతీయ నాయకులు ఆర్ ఎస్ ప్రవీణ్ కుమార్ హాజరుకానున్నారు. సభాధ్యక్షులుగా కృపాకర్ మాదిగ వ్యవహరిస్తారు.
        కార్యక్రమంలో పుస్తక పరిచయాన్ని కేంద్ర సాహిత్య యువ పురస్కార గ్రహీత డా. గడ్డం మోహన్  రావు చేయనుండగా,  స్వాగతం, వందన సమర్పణను నవతెలంగాణ పబ్లిషింగ్ హౌస్ జనరల్ మేనేజర్ కోయ చంద్రమోహన్ చేస్తారు. అతిథులుగా తెలంగాణ సాహితి రాష్ర్ట ప్రధాన కార్యదర్శి కే ఆనందచారి, ఉర్దూ విశ్వవిద్యాలయ ప్రొఫెసర్ డా జి వి రత్నాకర్, అసిస్టెంట్ ప్రొఫెసర్ నందిగామ నిర్మల, రచయిత్రి దాసోజు లలిత, తదితరులు పాల్గొననున్నారు.