హైదరాబాద్ : లీడ్స్ జరుగుతున్న మూడో టెస్టులో ఇంగ్లాండ్ బ్యాట్స్ మెన్ ల వికెట్ల కోసం భారత బౌలర్లు చెమటోడ్చుతున్నారు. ఇంగ్లాండ్ బౌలర్లు తొలి రోజు భారత్ ను 78 పరుగులకే ఆలౌట్ చేశారు. అయితే అదే పిచ్ పై వారి వికెట్లు తీయడం భారత బౌలర్లకు కష్ట సాధ్యంగా మారింది. దాంతో  ఇంగ్లాండ్‌  భారీ ఆధిక్యం దిశగా వెళ్తోంది.  
          ఆ జట్టు కెప్టెన్‌ జో రూట్‌(100*) సెంచరీ బాదడంతో ప్రస్తుతం ఇంగ్లాండ్  4 వికెట్ల నష్టానికి 350 పరుగులు చేసింది. ప్రస్తుతం  272 పరుగులు ఆధిక్యంలో ఉంది. క్రీజులో రూట్ కు తోడుగా బట్లర్(0) ఉన్నాడు. భారత బౌలర్లలో షమీ రెండు వికెట్లు తీసుకోగా, సిరాజ్, జడేజా చెరో వికెట్ తీసుకున్నారు.