హైదరాబాద్ : పట్టపగలు.. అందరూ చూస్తుండగానే ఓ మహిళకు దుండగుడు పాయింట్ బ్లాక్‌లో గన్‌పెట్టి ఆమె మెడలోని బంగారు గొలుసును లాక్కుని పారిపోయాడు. ఈ ఘటన మధ్యప్రదేశ్‌ రాష్ట్ర గ్వాలియర్‌లో చోటుచేసుకోగా స్థానిక సీసీ కెమెరాల్లో ఈ చోరీ దృశ్యాలు రికార్డయ్యాయి.
         స్థానికులు తెలిపిన వివరాల ప్రకారం.. స్కూటీపై ఓ మహిళ వెళ్తుండగా ఇద్దరు దుండగులు బైక్‌పై ఆమె కంటే ముందే వెళ్లి  ఓ మలుపు వద్ద ఆగారు. మ‌హిళ‌ అక్కడికి రాగానే బైక్ పై వెనుక కూర్చున్న దుండగుడు  బైక్‌ దిగి  మ‌హిళ గొలుసు లాక్కోబోయాడు. అయితే మహిళ వెనుక కూర్చున్న వ్య‌క్తి ప్రతిఘటించేందుకు ప్రయత్నించగా దుండ‌గుడు తుపాకీతో  బెదిరించాడు. తర్వాత మహిళ మెడలోని బంగారు గొలుసును తెంపుకొని  బైక్‌ ఎక్కి అక్కడి నుంచి పారిపోయాడు. పట్టపగలే ఈ ఘటన జరగడంతో సంచలనంగా మారింది.  సీసీ టీవీ కెమెరాలో ఈ దశ్యాలు  రికార్డయి సామాజిక మాధ్యమాల్లో చక్కర్లు కొడుతున్నాయి.