The police have identified the arrested accused as Sunny, Deputy Commissioner of Police (DCP) (Outer) Harendra Kumar Singh told ANI.#NangloiRoadRage #Murder #Person #Delhi #Delhipolice #DelhiPoliceupdates #News #newsAlert #Newsupdate #TheFirstIndia pic.twitter.com/n20DFpAmYt
— First India (@thefirstindia) February 15, 2023
నవతెలంగాణ - న్యూఢిల్లీ
ఢిల్లీలో దారుణం జరిగింది. నడిరోడ్డు మీద కత్తితో కడుపులో పొడిచిన ఘటన చోటుచేసుకుంది. నంగ్లోయ్‌ ఏరియాకు చెందిన విశాల్‌ మాలిక్‌ అనే యువకుడు ఇవాళ ఉదయం జిమ్‌కు వెళ్లి తిరిగి ఇంటికి వస్తుండగా దారివెంట నడుచుకుంటూ వెళ్తున్న వ్యక్తికి బైక్‌ తగిలింది. దాంతో స్థానికంగా ఉన్న ఓ పది మంది వ్యక్తులు కలిసి విశాల్‌పై దాడి చేశారు. వారి బారి నుంచి ఎలాగోలా తప్పించుకున్న విశాల్‌ మాలిక్‌ బైక్‌ను మాత్రం అక్కడే వదిలేశాడు.
అనంతరం స్థానిక పోలీస్‌ స్టేషన్‌కు వెళ్లి సాయం కోరాడు. అయితే పోలీసులు పట్టించుకోకపోవడంతో జరిగిన విషయం తన అన్న సాహిల్ మాలిక్‌ (25)కు తెలిపాడు. దాంతో బైక్‌ తెచ్చేందుకు వెళ్లిన సాహిల్ మాలిక్‌పై కూడా వాళ్లు దాడిచేశారు. అంతటితో ఆగక కత్తితో కడుపులో పొడిచి పారిపోయారు. ఈ తరుణంలో స్థానికులు అతడిని ఆస్పత్రికి తీసుకెళ్లి రక్షించే ప్రయత్నం చేస్తుండగానే రోడ్డుపై ప్రాణాలు విడిచాడు. బాధిత యువకుడి తల్లిదండ్రుల ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. సాహిల్‌ను పొడిచిన వ్యక్తిని అదుపులోకి తీసుకున్నారు.
