నవతెలంగాణ-హైదరాబాద్ : నేడు తెలంగాణ ముఖ్యమంత్రి కేసీఆర్ 69వ పుట్టినరోజు సందర్భంగా ప్రజాప్రతినిధులు, నేతలు, ప్రముఖులు బర్త్ డే విషెస్ తెలియజేస్తున్నారు. రాష్ట్ర వ్యాప్తంగా బీఆర్ఎస్ శ్రేణులు సీఎం జన్మదిన వేడుకలు ఘనంగా నిర్వహిస్తున్నాయి. కేసీఆర్ కు ప్రధాని మోడీ, తెలంగాణ గవర్నర్ తమిళిసైలు ట్వీట్టర్ ద్వారా జన్మదిన శుభాకాంక్షలను తెలిపారు. 'తెలంగాణ ముఖ్యమంత్రి కేసీఆర్ కు జన్మదిన శుభాకాంక్షలు. ఆయన పూర్తి ఆయుష్షుతో, మంచి ఆరోగ్యంతో ఉండాలని ప్రార్థిస్తున్నా' అని మోడీ ట్వీట్ చేశారు. గౌరవనీయులైన తెలంగాణ ముఖ్యమంత్రి కేసీఆర్ కు జన్మదిన శుభాకాంక్షలు అని తమిళిసై ట్వీట్ చేశారు.
మీ స్నేహితులకు రికమెండ్ చెయ్యండి
