నవతెలంగాణ - భోపాల్‌
కేరళలోని కొచ్చిన్‌ నుంచి ఢిల్లీ వెళ్తున్న ఇండిగో విమానం భోపాల్‌ విమానాశ్రయంలో అత్యవసరంగా దిగింది. ఇండిగో ఎయిర్‌లైన్స్‌కి చెందిన 6ఈ2407 విమానం కొచ్చిన్‌ నుంచి ఢిల్లీకి వెళ్తున్నది. అయితే విమానంలో ఉన్న ఓ ప్రయాణికుడి ఆరోగ్యం విషమించడంతో విమానాశ్రయ అధికారులకు సమాచారం అందించారు. దీంతో అత్యవసర పరిస్థితిలో విమానాన్ని భోపాల్‌కు దారిమళ్లించారు.
ఈ తరుణంలో అప్పటికే ఎయిర్‌పోర్టులో సిద్ధంగా ఉన్న సిబ్బంది ప్రయాణికుడిని వెంటనే సమీపంలోని ఆస్పత్రికి తరలించారు. అయితే దీనివల్ల ప్రయాణికులకు జరిగిన అసౌకర్యానికి చింతిస్తున్నామని ఇండిగో ఎయిర్‌లైన్స్‌ ఒక ప్రకటనలో తెలిపింది. మెడికల్‌ ఎమర్జెన్సీ క్రమంలో విమానాన్ని భోపాల్‌కు దారిమళ్లించినట్లు తెలిపింది.
మీ స్నేహితులకు రికమెండ్ చెయ్యండి
