నవతెలంగాణ - హైదరాబాద్
నగరంలో చైన్ స్నాచర్లు మరోసారి రెచ్చిపోయారు. పోలీసులు ఇటువంటి సంఘటనలు జరగకుండా ఎన్ని ప్రత్యేక టీమ్ లు పెట్టినా కానీ దుండగుల చైన్ స్నాచింగ్ మాత్రం ఆగడం లేదు. తాజాగా మరో చైన్ స్నాచింగ్ ఘటన వెలుగులోకి వచ్చింది. హబీబ్‎నగర్ పోలీస్ స్టేషన్ కూతవేటు దూరంలోనే చైన్ స్నాచింగ్ జరిగింది. గోకుల్ నగర్ బస్తీలో విజయ్ కుమారి (57) అనే మహిళా ఇంట్లో నిద్రిస్తున్న సమయంలో ఇంట్లోకి ప్రవేశించి చైన్ స్నాచింగ్‎కు పాల్పపడ్డాడు. అనంతరం నిందితుడు ఆమెపై దాడికి పాల్పడి మెడలోని నాలుగు తులాల బంగారు గొలుసులు దొంగలించి అక్కడి నుండి పరారయ్యాడు. ఈ ఘటన స్థానికంగా గోకుల్ నగరంలో కలకలం రేపుతోంది. ఘటన స్థలానికి చేరుకున్న పోలీసులు కేసు నమోదు చేసి దర్యాప్తు చేపట్టారు. నిందితుడు ఎలా వచ్చాడు..ఎలా వెళ్లాడు..అనేది సీసీ కెమెరాల ద్వారా దృశ్యాలలో పరిశీలిస్తున్నారు.