నవతెలంగాణ - అఫ్గానిస్థాన్
అఫ్గానిస్థాన్, తజక్‌స్థాన్‌లో గంటన్నర వ్యవధిలో వరుస భూకంపాలు వచ్చాయి. మంగళవారం తెల్లవారుజామున 4.05 గంటల సమమయంలో అఫ్గానిస్థాన్‌లో భూమికంపించింది. దీని తీవ్రత 4.1గా నమోదయిందని నేషనల్‌ సెంటర్‌ ఫర్‌ సీస్మోలజీ తెలిపింది. భూ అంతర్భాగంలో 10 కిలోమీటర్ల లోతులో ప్రకంపణలు చోటుచేసుకున్నాయని తెలిపింది.
          ఫైజాబాద్‌కు 315 కిలోమీటర్ల దూరంలో భూకంప కేంద్రం ఉన్నదని తెలిపింది. ఇక గంటన్నర వ్యవధిలో తజక్‌స్థాన్‌లోనూ భూమి కంపించింది. ఉదయం 5.31 గంటలకు తజక్‌స్థాన్‌లో భూకంపం వచ్చింది. దీని తీవ్రత రిక్టర్‌ స్కేలుపై 4.3గా నమోదయిందని ఎన్‌సీఎస్‌ చెప్పింది. కాగా, రెండు దేశాల్లో తెల్లవారుజామున భూమి కంపించడంతో ప్రజలు ఇండ్ల నుంచి బయటకు పరుగులు తీశారు.