నవతెలంగాణ - న్యూఢిల్లీ
మరో రెండు రోజుల్లో మహిళల ఐపీఎల్‌ ప్రారంభంకానున్నది. దీనికి సంబంధించిన ఏర్పాట్లను బీసీసీ ఇప్పటికే పూర్తిచేసింది. తాగా ఈ మెగా టోర్నీకి మరింత ప్రచారాన్ని తీసుకువచ్చేందుకు మస్కట్‌ను విడుదల చేసింది.      
        దీనికిసంబంధించిన వీడియోను బీసీసీ కార్యదర్శి జై షా తన ట్విట్టర్‌ ఖాతాలో పోస్ట్‌ చేశారు. ఒకచేత్తో బ్యాట్‌, మరో చేతిలో హెల్మెట్‌ పట్టుకుని రంగంలో దిగడానికి సిద్ధంగా ఉన్న చీతాను అందులో చూపించారు. దానికి శక్తి అని నామకరణం చేశారు. అతను రంగంలోకి దిగడానికి సిద్ధంగా ఉన్నాడు. ఇది ప్రారంభం మాత్రమే అని రాసుకొచ్చారు. మహిళల ఐపీఎల్‌ ఈ నెల 4 నుంచి 26 వరకు ముంబైలో జరుగనుంది. మొదటి మ్యాచ్‌లో ముంబై, అహ్మదాబాద్‌ జట్లు తలపడనున్నాయి.