Authorization
Mon Jan 19, 2015 06:51 pm
నవతెలంగాణ - అంబాలా
హర్యానాలోని దారుణం చోటుచేసుకుంది. షాజాద్పూర్ పోలీస్ స్టేషన్ పరిధిలో శుక్రవారం అంబాలాలోని యమునా నగర్-పంచకుల జాతీయ రహదారిపై ట్రక్కు బస్సును వెనుక నుంచి ఢీకొనడంతో ఏడుగురు మరణించారు.
ఈ రోడ్డు ప్రమాదంలో మరో నలుగురు గాయపడినట్లు పోలీసులు శనివారం తెలిపారు. ఆ క్రమంలో గాయపడిన వారిని సమీపంలోని ఆస్పత్రికి తరలించారు. లోడ్ చేసిన ట్రక్ బస్సును వెనుక నుంచి ఢీకొట్టిందని షాజాద్పూర్ పోలీస్ అధికారి బీర్ బహన్ తెలిపారు. ట్రక్ డ్రైవర్ నిద్రమత్తులో బస్సుపైకి దూసుకెళ్లినట్లు, రెండు వాహనాల డ్రైవర్లు ప్రమాదం నుంచి బయటపడినట్లు, ప్రమాదంపై తదుపరి విచారణ జరుగుతోందని పోలీసులు తెలిపారు.