నవతెలంగాణ - అమరావతి
ఆంధ్రప్రదేశ్‌లో పలు ప్రవేశ పరీక్షల షెడ్యూల్‌ విడుదలయ్యాయి. ఇంజినీరింగ్‌, అగ్రికల్చర్‌, ఫార్మసీ ప్రవేశాలకు నిర్వహించే ఏపీఈఏపీసెట్‌-2023 పరీక్ష తేదీలను రాష్ట్ర ప్రభుత్వం ఖరారు చేసింది. మే 15 నుంచి 18 వరకు ఇంజినీరింగ్‌.. మే 22, 23 తేదీల్లో ఫార్మసీ పరీక్షలు నిర్వహించనున్నట్లు ఓ ప్రకటనలో తెలిపింది. ఈ ఏపీసెట్‌ దరఖాస్తుకు ఈనెల 11 నుంచి వచ్చే నెల 15 వరకు గడువు ఇచ్చింది. అలాగే మే 5న ఇంజినీరింగ్‌ కామన్‌ ఎంట్రన్స్‌ టెస్ట్‌ (ఈసెట్‌) నిర్వహించనుండగా.. దరఖాస్తుకు మార్చి 10 నుంచి ఏప్రిల్‌ 10 వరకు అవకాశం కల్పించింది. మే 24, 25న ఇంటిగ్రేటెడ్‌ కామన్‌ ఎంట్రన్స్ టెస్ట్‌ (ఐసెట్‌) పరీక్షలు జరపగా దరఖాస్తుకు ఈనెల 20 నుంచి ఏప్రిల్‌ 19 వరకు గడువు ఇచ్చింది.