నవతెలంగాణ - ఖమ్మం
వందేభారత్‌ రైలుకు పెను ప్రమాదం తప్పింది. సికింద్రాబాద్‌ నుంచి విశాఖపట్నం బయల్దేరిన రైలు ఖమ్మం జిల్లా చింతకాని మండలం నాగులవంచ రైల్వేస్టేషన్‌ సమీపంలో ఎద్దును ఢీకొంది. ఈ ప్రమాదంలో రైలు ముందు భాగం దెబ్బతింది. దీంతో ఘటనాస్థలిలోనే రైలును నిలిపివేసిన సిబ్బంది మరమ్మతులు చేస్తున్నారు. మరమ్మతులు పూర్తయిన తర్వాత రైలు బయలుదేరుతుందని అధికారులు తెలిపారు. దీంతో రాత్రి 11.30గంటలకు విశాఖ చేరుకోవాల్సిన వందేభారత్‌రైలు ఆలస్యంగా చేరుకుంటుందని తెలియజేశారు.
మీ స్నేహితులకు రికమెండ్ చెయ్యండి
