నవతెలంగాణ-హైదరాబాద్ : డైనమిక్ హీరో విశ్వక్ సేన్ తొలి పాన్ ఇండియా చిత్రం 'దాస్ కా ధమ్కీ' ఈ నెల 22న ప్రపంచవ్యాప్తంగా గ్రాండ్ రిలీజ్‌కు సిద్ధంగా ఉంది. రిలీజ్ డేట్ ఎంతో దూరంలో లేకపోవడంతో మేకర్స్ మూవీని జోరుగా ప్రమోట్ చేస్తున్నారు. మేకర్స్ ఇప్పటివరకు విడుదల చేసిన మూడు పాటలు చార్ట్‌బస్టర్‌గా నిలిచాయి. గతంలో విడుదలైన థియేట్రికల్ ట్రైలర్ 1.0 సినిమాపై భారీ అంచనాలను నెలకొల్పింది. ఇక తాజాగా కరీంనగర్‌లో జరిగిన గ్రాండ్ పబ్లిక్ ఈవెంట్‌లో 'దాస్ కా ధమ్కీ' 2.0 ట్రైలర్‌ను మంత్రి గంగుల కమలాకర్ లాంచ్ చేశారు. ట్రైలర్ లాంచ్ ఈవెంట్ లో విశ్వక్ సేన్ మాట్లాడుతూ దాస్ కా ధమ్కీ్ణ 2.0 ట్రైలర్ లాంచ్ కి వచ్చిన మంత్రి గంగుల కమలాకర్ గారికి, ఎమెల్యే రసమయి బాలకిషన్ గారికి కృతజ్ఞతలు. లోయర్ మిడిల్ క్లాస్, మిడిల్ క్లాస్ కి మధ్య ఒక కేటగిరీ వుంటుంది. ఒక డ్రైవర్, డెలివరీ బాయ్, వెయిటర్.. వీళ్ళని ఏ మాత్రం అలోచించకుండా ఒక మాట అనేస్తాం. అదే లోయర్ మిడిల్ క్లాస్ వోడు తిరిగి దేబ్బెస్తే ఎలా వుంటుందో సినిమాగా తీశాం. అదే ధమ్కీ. సినిమా ఉగాది రోజు విడుదలౌతుంది. ఉగాది పచ్చడిలానే వుంటుంది. థియేటర్ లో పచ్చడి పచ్చడి చేస్తా. ఇది ట్రైలర్ 2.0 మాత్రమే కాదు.. ఇది విశ్వక్ సేన్ 2.0. 17న జరిగే ప్రీరిలీజ్ ఈవెంట్ కి ఎన్టీఆర్ గారు వస్తున్నారు. ఆస్కార్ ఈవెంట్ నుంచి నేరుగా మా ఈవెంట్ కి వస్తున్నారు. తారక్ అన్న అందరినీ కాలర్ ఎత్తుకునేలా చేశారు. చాలా గర్వంగా వుంది. డౌట్ వున్న వాడు ఎవడూ సినిమాని బుధవారం విడుదల చేయడు. నేను పూర్తి నమ్మకంతో దమ్ముతో చెబుతున్నా. వస్తున్నా కొడుతున్న.. ఇది విశ్వక్ సేన్ 2.0. అందరికీ కృతజ్ఞతలు తెలిపారు.