నవతెలంగాణ - అమరావతి
ఏపీలో ఎమ్మెల్సీ ఎన్నికల కోడ్ కారణంగా నారా లోకేశ్ యువగళం పాదయాత్రకు రెండ్రోజులు విరామం ప్రకటించిన సంగతి తెలిసిందే. లోకేశ్ తంబళ్లపల్లె నియోజకర్గంలో పాదయాత్ర చేస్తుండగా, ఎన్నికల కోడ్ కారణంగా జిల్లాలో ఉండరాదంటూ అధికారులు లోకేశ్ కు నోటీసులు ఇచ్చారు. ఎన్నికల సంఘం మార్గదర్శకాలను గౌరవిస్తూ లోకేశ్ పాదయాత్ర నిలిపివేసి హైదరాబాద్ వెళ్లిపోయారు. ఎమ్మెల్సీ ఎన్నికల పోలింగ్ ముగిసిన నేపథ్యంలో, లోకేశ్ యువగళం పాదయాత్ర రేపు పునఃప్రారంభం కానుంది. ఈ మేరకు లోకేశ్ పాదయాత్ర షెడ్యూల్ విడుదలైంది.
మీ స్నేహితులకు రికమెండ్ చెయ్యండి
