నవతెలంగాణ - హైదరాబాద్
భారతీయ విద్యార్థులు కెనడా నుంచి బహిష్కరణ ముప్పును ఎదుర్కొంటున్నారు. విద్యార్థుల వీసాలు నకిలీవని గుర్తించడంతో దేశంలోని అధికారులు వారిని దేశం నుంచి బహిష్కరణ వేటు వేశారు. వారు ఇటీవల కెనడియన్ బోర్డర్ సెక్యూరిటీ ఏజెన్సీ నుండి బహిష్కరణ లేఖలను అందుకున్నారు. మీడియా  తెలిపిన వివరాల ప్రకారం ఈ 700 మంది విద్యార్థులు బ్రిజేష్ మిశ్రా నేతృత్వంలోని ఎడ్యుకేషన్ మైగ్రేషన్ సర్వీసెస్ ద్వారా స్టడీ వీసాల కోసం దరఖాస్తు చేసుకున్నారు. బ్రిజేష్ మిశ్రా ప్రీమియర్ ఇన్‌స్టిట్యూట్ హంబర్ కాలేజీలో అడ్మిషన్ ఫీజుతో సహా అన్ని ఖర్చుల కోసం ఒక్కో విద్యార్థికి రూ. 16 లక్షలకు పైగా వసూలు చేశారు.
          అయితే  ఈ క్రమంలో విద్యార్థులు 2018-19లో అధ్యయనం ఆధారంగా కెనడా వెళ్లారు. ఈ విద్యార్థులు కెనడాలో శాశ్వత నివాసం కోసం దరఖాస్తు చేసుకోవడంతో ఈ మోసం వెలుగులోకి వచ్చింది, దీని కోసం అడ్మిషన్ ఆఫర్ లెటర్స్ పరిశీలనలోకి వచ్చాయి, అంటే కెనడియన్ బోర్డర్ సెక్యూరిటీ ఏజెన్సీ విద్యార్థులకు వీసాలు జారీ చేసిన పత్రాలను పరిశీలించి అడ్మిషన్ ఆఫర్ లెటర్స్ నకిలీవని తేల్చింది. వీరిలో చాలా మంది విద్యార్థులు ఇప్పటికే తమ చదువులను పూర్తి చేశారని, వర్క్ పర్మిట్‌లు పొందారని, పని అనుభవం కూడా పొందారని నిపుణులు తెలిపారు.