నవతెలంగాణ - హైదరాబాద్
2019లో కర్ణాటక ఎన్నికల ప్రచారంలో భాగంగా ప్రధాని ఇంటి పేరుపై రాహుల్ గాంధీ తీవ్ర వ్యాఖ్యలు చేశారు. దేశంలోని దొంగలందరి ఇంటి పేర్లు మోడీ అనే ఎందుకు ఉంటాయని విమర్శలు చేశారు. ఈ వ్యాఖ్యలపై బీజేపీ ఎమ్మెల్యే, గుజరాత్‌ మాజీ మంత్రి పూర్ణేష్‌ మోడీ సూరత్ కోర్టులో పరువునష్టం కేసు వేశారు. విచారణ జరిపిన కోర్టు తాజాగా రాహుల్ గాంధీకి రెండేళ్ల జైలు శిక్ష విధించింది. ఆ వెంటనే 30 రోజుల బెయిల్ మంజూరు చేసింది.  
             ఈ తరుణంలో కాంగ్రెస్ నేత రాహుల్ గాంధీ స్పందించారు. మహాత్మా గాంధీ చెప్పిన మాటలను ఆయన గుర్తు చేసుకున్నారు. నా మతం సత్యం, అహింసపై ఆధారపడింది. సత్యమే నా దేవుడు అహింసే అందుకు సాధనం - మహాత్మా గాంధీ అని ట్వీట్ చేశారు.