నవతెలంగాణ - హైదరాబాద్‌
రాష్ట్రంలో ఇటీవల వడగళ్ల వానలతో పంట నష్టపోయిన రైతులకు సహాయ పునరావాస చర్యల కింద సత్వరమే ఎకరాకు రూ. పదివేల ఆర్థిక సాయం అందిస్తామని ముఖ్యమంత్రి కేసీఆర్‌ భరోసా ఇచ్చిన విషయం తెలిసిందే.  గురువారం ఖమ్మం, మహబూబాబాద్‌, వరంగల్‌, కరీంనగర్‌ జిల్లాల్లోని వర్ష ప్రభావిత ప్రాంతాల్లో ప్రజాప్రతినిధులు, ఉన్నతాధికారులతో కలిసి సీఎం పర్యటించారు. ఈ సందర్భంగా సాధారణ రైతులతోపాటు కౌలు రైతులకూ పరిహారం అందిస్తామన్నారు. ఈ తరుణంలో కేటీఆర్‌ ట్విటర్‌ వేదికగా స్పందించారు.
          బీఆర్ఎస్ అంటేనే భారతీయ రైతు సమితి అని,  దేశంలో ఒక్క తెలంగాణలోనే మన అన్నదాతకు పెట్టుబడి కోసం రూ.పది వేలు, పంట నష్టపోతే రూ.పది వేలు. అందుకే మన రైతన్న మనోగతం ఒక్క కేసీఆర్‌ సారు ఉంటే చాలు మాకు అదే పది వేలు, వేరేటోళ్లను పొరపాటున నమ్మినా తెలంగాణ మళ్లీ వెనక్కి వందేళ్లు అంటూ  స్పందించారు.