నవతెలంగాణ - భోపాల్‌
ప్రపంచకప్‌ షూటింగ్‌ టోర్నమెంట్‌ను భారత్‌ కాంస్య పతకంతో ముగించింది. చివరిరోజు ఆదివారం భారత్‌ ఖాతాలో ఒక కాంస్య పతకం చేరింది. మహిళల 50 మీటర్ల రైఫిల్‌ త్రీ పొజిషన్స్‌ ఈవెంట్‌లో సిఫ్ట్‌ కౌర్‌ సామ్రా మూడో స్థానంలో నిలిచింది.
ఎంబీబీఎస్‌ చదువుతోన్న పంజాబ్‌కు చెందిన 21 ఏళ్ల సిఫ్ట్‌ కౌర్‌ క్వాలిఫయింగ్‌లో 588 పాయింట్లు స్కోరు చేసి ఐదో స్థానంలో నిలిచి ర్యాంకింగ్‌ రౌండ్‌కు అర్హత సాధించింది. ఎనిమిది మంది పాల్గొన్న ర్యాంకింగ్‌ రౌండ్‌లో సిఫ్ట్‌ కౌర్‌ 403.9 పాయింట్లు సాధించి మూడో స్థానంలో నిలిచి కాంస్య పతకాన్ని సొంతం చేసుకుంది. సిఫ్ట్‌ కౌర్‌కిది రెండో ప్రపంచకప్‌ పతకం. గత ఏడాది కొరియాలో జరిగిన ప్రపంచకప్‌లోనూ ఆమె కాంస్య పతకం సాధించింది.
మీ స్నేహితులకు రికమెండ్ చెయ్యండి
