నవతెలంగాణ - ఉక్రెయిన్: జర్మనీ దేశానికి చెందిన లియోపార్డ్2, యూకే దేశానికి చెందిన ఛాలెంజర్ యుద్ధ ట్యాంకులు ఉక్రెయిన్ దేశానికి చేరుకున్నాయి. రష్యా దేశంలో సాగుతున్న యుద్ధంలో భాగంగా తాము ఉక్రెయిన్ కు వాగ్ధానం చేసినట్లుగా లియోపార్డ్ యుద్ధ ట్యాంకులు పంపించామని జర్మనీ దేశ రక్షణ శాఖ మంత్రి బోరిస్ పిస్టోరియస్ చెప్పారు. భద్రతా కారణాల దృష్ట్యా ట్యాంకులను పంపిణీ చేసే మార్గాన్ని జర్మనీ వెల్లడించలేదు. జర్మనీ, అమెరికా, పోర్చుగల్ దేశాలు యుద్ధట్యాంకులను ఉక్రెయిన్ దేశానికి పంపించాయి.
          ఉక్రేనియన్ సైనికులు గత రెండు నెలలుగా దిగువ సాక్సోనీలోని మన్‌స్టర్‌లోని బుండెస్‌వెహ్ర్ సైట్‌లో యుద్ధ ట్యాంకుల ప్రయోగంలో శిక్షణ పొందారు.రష్యాకు వ్యతిరేకంగా తన రక్షణను మెరుగుపరచడానికి ట్యాంకులు, యుద్ధ విమానాలను సరఫరా చేయాలని ఉక్రెయిన్ పాశ్చాత్య దేశాలను డిమాండ్ చేస్తోంది. ఛాలెంజర్ 2 ట్యాంకులను పంపిణీ చేయడానికి బ్రిటన్ అంగీకరించింది ఉక్రెయిన్ రక్షణశాఖ మంత్రి మంగళవారం మొదటి సెట్ బ్రిటీష్ ట్యాంకులను అందుకున్నామని ధృవీకరించారు.