నవతెలంగాణ - మహారాష్ట్ర
హెయిర్‌ కట్‌ నచ్చకపోవడంపై ఆగ్రహించిన ఒక బాలుడు బిల్డింగ్‌ పైనుంచి దూకి సూసైడ్‌ చేసుకున్నాడు. మహారాష్ట్రలోని థానే జిల్లాలో ఈ సంఘటన జరిగింది. భయాందర్‌ నగరానికి చెందిన ‌13 ఏళ్ల బాలుడికి కుటుంబ సభ్యులు హెయిర్‌ కట్‌ చేయించారు. అయితే జుట్టు చాలా చిన్నగా కత్తిరించడంపై అతడు ఆగ్రహించాడు. అపార్ట్‌మెంట్‌ బిల్డింగ్‌ 16వ అంతస్తులోని బాత్‌రూమ్‌ కిటికీ నుంచి కిందకు దూకి ఆత్మహత్య చేసుకున్నాడు. తీవ్రంగా గాయపడిన ఆ బాలుడు అక్కడికక్కడే మరణించాడు. సమాచారం అందుకున్న నవఘర్ పోలీసులు సంఘటనా స్థలానికి వెళ్లి పరిశీలించారు. బాలుడి మృతదేహాన్ని పోస్ట్‌మార్టం కోసం ప్రభుత్వ ఆసుపత్రికి తరలించారు. ఈ సంఘటనపై కేసు నమోదు చేసి దర్యాప్తు చేస్తున్నారు.