నవతెలంగాణ - హైదరాబాద్
ఐపీఎల్ లో గత రెండు సీజన్లలో 8వ స్థానంతో నిరాశ పరిచిన సన్‌రైజర్స్ హైదరాబాద్ జట్టు తీరు మారడం లేదు. తాజా సీజన్ ను కూడా రెండు ఘోర పరాజయాలతో ప్రారంభించింది. తొలి పోరులో సొంతగడ్డపై రాజస్థాన్ రాయల్స్ చేతిలో ఓడిన రైజర్స్ నిన్న రాత్రి లక్నో జరిగిన మ్యాచ్ లో లక్నో సూపర్ జెయింట్స్ చేతిలో పరాజయమయ్యింది.
         ఈ తరుణంలో హైదరాబాద్ ఆటగాళ్ల ప్రదర్శనపై ఆ జట్టు హెడ్ కోచ్ బ్రియాన్ లారా అసంతృప్తి వ్యక్తం చేశాడు. టాపార్డర్ చెత్త బ్యాటింగ్ వల్లే ఓడిపోతున్నామన్నాడు. లక్నోతో మ్యాచ్ తర్వాత లారా మీడియాతో మాట్లాడాడు. ‘మేం ఆడిన పిచ్ స్ట్రోక్ ప్లేకు అనుకూలించలేదు. కానీ, మా ఓటమికి దాన్ని సాకుగా చెప్పడం లేదు. కచ్చితంగా మా బ్యాటింగ్‌ను మెరుగుపరుచుకోవాలని భావిస్తున్నాను. తొలి మ్యాచ్ తొలి ఓవర్‌లోనే రెండు వికెట్లు కోల్పోయం. కచ్చితంగా మా బ్యాటింగ్ కు మెరుగవ్వాల్సి ఉంది. ఈ సమస్యకు మేం తక్షణమే పరిష్కారం కనుగొనాలి అని చెప్పుకొచ్చాడు. లోపాలు సరి చేసుకుంటేనే మెరుగైన ఫలితాలు వస్తాయని లారా తెలిపారు.