నవతెలంగాణ-హైదరాబాద్‌: మార్గదర్శికి తెలంగాణ హైకోర్టులో చుక్కెదురైంది. సీఐడీ సోదాలపై అడ్డుకునేలా తాము ఎలాంటి ఆదేశాలు ఇవ్వలేమని బుధవారం హైకోర్టు మార్గదర్శికి తేల్చి చెప్పింది. అంతకు ముందు.. సీఐడీ సోదాలు ఆపేలా ఆదేశాలు ఇవ్వాలంటూ జడ్జి ముందు మెన్షన్‌ చేశారు మార్గదర్శి తరపు న్యాయవాది. అయితే.. దీనిని ఏపీ ప్రభుత్వ లాయర్‌ గోవిందరెడ్డి తీవ్రంగా తప్పుబట్టారు. ఎలాంటి పిటిషన్‌ లేకుండా నిబంధనలకు విరుద్ధంగా బెంచ్‌ ముందు మెన్షన్‌ చేసిన విషయాన్ని ప్రస్తావించారు ఏపీ ప్రభుత్వ లాయర్‌ గోవిందరెడ్డి. ఇలాంటి వారివల్ల ప్రజల్లోకి తప్పుడు సంకేతాలు వెళ్తాయని కోర్టుకు ఆయన విన్నవించారు. దీంతో.. మార్గదర్శిలో సీఐడీ సోదాలు అడ్డుకోవాలని ఆదేశాలు ఇవ్వలేమని తెలంగాణ హైకోర్టు మార్గదర్శికి స్పష్టం చేసింది.