నవతెలంగాణ - హైద‌రాబాద్
ప్రయాణికులకు ఆర్థిక భారం తగ్గించేందుకు హైదరాబాద్‌-విజయవాడ రూట్‌లో 10 శాతం రాయితీ కల్పించాలని టీఎస్‌ఆర్టీసీ నిర్ణయించింది. ఆ రూట్‌లో నడిచే సూపర్‌ లగ్జరీ, రాజధాని ఏసీ సర్వీసుల్లో రానుపోనూ ఈ రాయితీ వర్తించనుంది. ఈ నెల 30 వరకు 10 శాతం డిస్కౌంట్‌ అమల్లో ఉంటుంది. హైదరాబాద్‌ నుంచి విజయవాడ, విజయవాడ నుంచి హైదరాబాద్‌ మార్గాల్లో వెళ్లే ప్రయాణికులకు మాత్రమే ఈ రాయితీ వర్తిస్తుంది.
       విజయవాడ మార్గంలో ప్రయాణికుల రద్దీ ఎక్కువగా ఉంటుంది. వారికి ఆర్థిక భారం తగ్గించాలనే ఉద్దేశంతో సూపర్‌ లగ్జరీ, రాజధాని ఏసీ సర్వీసుల్లో 10 శాతం రాయితీ కల్పించాలని సంస్థ నిర్ణయించింది.  ఈ సదుపాయం ఈ నెల 30వ తేదీ వరకు ప్రయాణికులు వినియోగించుకోవాలి అని టీఎస్‌ఆర్టీసీ చైర్మన్‌, ఎమ్మెల్యే బాజిరెడ్డి గోవర్దన్‌, సంస్థ ఎండీ వీసీ సజ్జనార్ తెలిపారు. రిజర్వేషన్‌ కోసం తమ అధికారిక వెబ్‌సైట్‌ www.tsrtconline.com  ను సంప్రదించాలని వారు సూచించారు.