On the intervening night of 12-13 April, alert troops of Indian Army in coordination with J&K Police recovered a drone crossing the Line of Control from Pakistan into Indian territory in Beri Pattan area of Sunderbani sector, District Rajouri (J&K). 131 Rounds of AK-47, 5… pic.twitter.com/5wqJMb1kRG
— ANI (@ANI) April 13, 2023
నవతెలంగాణ - హైదరాబాద్
పాకిస్థాన్ వైపు నుంచి భారత భూభాగంలోకి వచ్చిన డ్రోన్‌ను భద్రతా బలగాలు కూల్చివేశాయి. బుధవారం అర్ధరాత్రి 12 గంటల తర్వాత గుట్టుచప్పుడు కాకుండా భారత్ భూభాగంలోకి డ్రోన్‌ను పంపించారని ఈ క్రమంలో సైన్యం అప్రమత్తం అయ్యి దానిని కూల్చివేసిందని అధికారులు వెల్లడించారు.
జమ్మూ కశ్మీర్‌ రాజౌరీ జిల్లాలోని బెరీ పట్టాన్ ప్రాంతంలో ఈ ఘటన జరిగింది. నియంత్రణ రేఖ వద్ద అనుమానాస్పదంగా వైమానిక వస్తువులు తరలిస్తున్నట్లు నిఘా వర్గాల నుంచి సమాచారం అందిందని దీంతో డ్రోన్ ను కూల్చేశామని తెలిపారు. తర్వాత పరిసర ప్రాంతంలో కార్డన్ సెర్చ్ ఆపరేషన్ ప్రారంభించామని, డ్రోన్ కదలికలను ట్రాక్ చేశామని రక్షణ శాఖ పీఆర్‌వో తెలిపారు. దానిలో డ్రోన్‌లో రూ.2 లక్షల భారతీయ నగదు ఉన్నట్లు తెలిపారు. వీటితో పాటు లోడ్ చేసి ఉన్న 131 రౌండ్ల ఏకే-47 బుల్లెట్లు, 5 మ్యాగజైన్లను స్వాధీనం చేసుకున్నట్లు వెల్లడించారు.
