ఢిల్లీ: శాటిలైట్‌ కమ్యూనికేషన్‌ సేవలను, వ్యక్తులకు అందించేందుకు చేసుకున్న దరఖాస్తును టాటా గ్రూప్‌ ఉపగ్రహ సేవల సంస్థ నెల్కో ఉపసంహరించుకుంది. ‘న్యూ స్పేస్‌ పాలసీ’ కింద సరికొత్త లైసెన్సుకు దరఖాస్తు చేసుకునే యత్నాలు చేస్తున్నట్లు కంపెనీ సీనియర్‌ అధికారి తెలిపారు. గ్లోబల్‌ మొబైల్‌ పర్సనల్‌ కమ్యూనికేషన్‌ బై శాటిలైట్‌(జీఎమ్‌పీసీఎస్‌) లైసెన్సు కోసం టెలికమ్యూనికేషన్ల విభాగాని(డాట్‌)కి చేసుకున్న దరఖాస్తును నెల్కో ఉపసంహరించుకుంది. ప్రస్తుతం నెల్కో.. విమానం లోపల, నౌకల్లో శాటిలైట్‌ ద్వారా టెలికాం సేవలను అందిస్తోంది. వీశాట్‌, ఇతర లైసెన్సుల ద్వారా కంపెనీలకు(ఎంటర్‌ప్రైజ్‌ కస్టమర్స్‌) శాటిలైట్‌ ఆధారిత కమ్యూనికేషన్‌ సేవలను అందిస్తోంది.
మీ స్నేహితులకు రికమెండ్ చెయ్యండి
