నవతెలంగాణ - ఉత్తర సిరియా
అమెరికా హెలికాప్టర్ తో జరిపిన దాడిలో ఇస్లామిక్ స్టేట్ సీనియర్ నేత హతమయ్యాడు. అబ్డ్ అల్ హదీ మహమూద్ అల్ హజీ అలీ లక్ష్యంగా హెలికాప్టర్‌తో దాడిచేసినట్టు తెలిపింది. విదేశీ అధికారులను కిడ్నాప్ చేసేందుకు ఇస్లామిక్ స్టేట్ ప్లాన్ చేసిందన్న ఇంటెలిజెన్స్ సమాచారంతో ఈ దాడి చేసినట్టు తెలిపింది. ప్రస్తుతం ఇస్లామిక్ స్టేట్ ప్రభావం ప్రస్తుతం అంతంతమాత్రమే అయినప్పటికీ మధ్య ప్రాచ్యానికి ఆవల దాడులు చేయాలన్న కోరికతో ఈ ప్రాంతంలో అది కార్యకలాపాలను నిర్వహించగలదని యూఎస్ సెంట్రల్ కమాండ్ హెడ్ జనరల్ మైఖేల్ కురిల్లా తెలిపారు. ఈ దాడిలో మరో ఇద్దరు సాయుధులు కూడా మరణించారని, సామాన్య పౌరులకు ఎలాంటి హానీ జరగలేదని పేర్కొన్నారు.