నవతెలంగాణ-హైదరాబాద్ : టాలీవుడ్ హీరో అఖిల్ అక్కినేని నటిస్తున్న స్పై యాక్షన్‌ ఎంటర్‌టైనర్‌ ఏజెంట్ సురేంద‌ర్ రెడ్డి డైరెక్ట్ చేస్తున్న ఈ చిత్రం ఏప్రిల్ 28న ప్రపంచవ్యాప్తంగా గ్రాండ్‌గా విడుదల కానుంది. విడుదల తేదీ దగ్గర పడుతున్న నేపథ్యంలో ప్రమోషన్స్ లో బిజీగా ఉంది అఖిల్ టీం. ప్రమోషన్స్ లో భాగంగా కాకినాడలోని ఎంసీ లారిన్ హైస్కూల్‌ గ్రౌండ్స్‌లో ఏజెంట్ ట్రైలర్ ను లాంఛ్ చేశారు. నువ్వు ఏజెంట్ ఎందుకు కావాలనుకుంటున్నావ్‌.. అని అఖిల్‌ను మమ్ముట్టి అడుగుతున్న సంభాషణలతో మొదలైంది ట్రైలర్. సింహం బోనులోకి వెళ్లి తిరిగొచ్చేది కోతి మాత్రమేనని మమ్ముట్టి అంటుండగా.. చేతిలో గన్ను, యాక్షన్‌, ఎమోషన్‌, ప్రతీ నిమిషం గూస్ బంప్సే కదా జీ అంటున్నాడు ఏజెంట్ అఖిల్. ఏజెంట్‌గా అఖిల్ స్టన్నింగ్ యాక్షన్‌ థ్రిల్లింగ్ అవతార్‌లో ఎంటర్‌టైన్‌ చేయబోతున్నాడంటూ ట్రైలర్‌తో చెప్పేశాడు డైరెక్టర్‌.
