నవతెలంగాణ -  హైదరాబాద్
ఐపీఎల్‌-16లో భాగంగా నేడు ఢిల్లీలోని అరుణ్ జైట్లీ స్టేడియం వేదికగా కోల్‌కతా నైట్‌ రైడర్స్ , ఢిల్లీ క్యాపిటల్స్ జట్ల మధ్య మ్యాచ్ జరగనుంది. ఇప్పటివరకు అన్ని జట్లు కనీసం రెండు విజయాలు సాధించగా వార్నర్‌ సేన ఇప్పటివరకు బోణీ కూడా కొట్టకుండా వరుసగా 5 మ్యాచ్‌లో ఓడిపోయి ప్లేఆఫ్స్ అవకాశాలను క్లిష్టం చేసుకుంది. ఢిల్లీ జట్టుకు ఓపెనర్‌ పృథ్వీ షా, ఆల్‌రౌండర్‌ మిచెల్‌ మార్ష్‌ పేలవ ఫామ్‌ సమస్యగా మారింది. కెప్టెన్‌ వార్నర్‌ నిలకడగానే ఆడుతున్నా వేగంగా పరుగులు చేయలేకపోతున్నాడు. ఇక నోకియా, ముస్తాఫిజుర్‌, ముఖేశ్‌ కుమార్‌, కుల్‌దీప్‌ యాదవ్‌, అక్షర్‌ లాంటి వాళ్లతో కూడిన బౌలింగ్‌ విభాగం కూడా స్థాయికి తగ్గ ప్రదర్శన చేయలేకపోయింది. ఈ కీలకమైన పోరులో ఎలా రాణిస్తుందో చూడాలి.
ఢిల్లీ జట్టు: పృథ్వీ షా, డేవిడ్ వార్నర్ (c), మిచెల్ మార్ష్, యశ్ ధుల్, మనీష్ పాండే, అక్షర్ పటేల్, అభిషేక్ పోరెల్ (WK), లలిత్ యాదవ్, కుల్దీప్ యాదవ్, అన్రిచ్ నార్ట్జే, ముస్తాఫిజుర్ రెహమాన్
కోల్‌కతా జట్టు: రహ్మానుల్లా గుర్బాజ్ (wk),ఎన్‌. జగదీశన్, వెంకటేష్ అయ్యర్, నితీష్ రాణా (c), ఆండ్రీ రస్సెల్, రింకు సింగ్, శార్దూల్ ఠాకూర్, సునీల్ నరైన్, ఉమేష్ యాదవ్, లాకీ ఫెర్గూసన్, వరుణ్ చక్రవర్తి, సుయాష్ శర్మ.