నవతెలంగాణ - సూరత్: ప‌రువున‌ష్టం కేసులో కాంగ్రెస్ నేత రాహుల్ గాంధీకి చుక్కెదురైంది. క్రిమిన‌ల్ డిఫ‌మేష‌న్ కేసులో స్టే విధించాల‌ని కోరుతూ రాహుల్ దాఖ‌లు చేసిన పిటిష‌న్‌ను సూరత్ కోర్టు తిర‌స్క‌రించింది. ఆ కేసులో రెండేళ్ల శిక్ష విధించిన విష‌యం తెలిసిందే. ఆ శిక్ష కార‌ణంగా రాహుల్ త‌న లోక్‌స‌భ స‌భ్య‌త్వాన్ని కూడా కోల్పోయారు.
అయితే ఈ కేసులో అప్పీల్ చేసుకునేందుకు అవ‌కాశం ఉన్న నేప‌థ్యంలో రాహుల్ కోర్టును ఆశ్ర‌యించారు. రెండేళ్ల శిక్ష‌ను ర‌ద్దు చేయాల‌ని కోరారు. కానీ సూరత్ సెష‌న్స్ కోర్టు ఆయ‌న అభ్య‌ర్థ‌న‌ను తోసిపుచ్చింది. రేపు గుజ‌రాత్ హైకోర్టులో ఇదే కేసులో రాహుల్ పిటిష‌న్ వేయ‌నున్నారు.
మీ స్నేహితులకు రికమెండ్ చెయ్యండి
