నవతెలంగాణ - ఛత్తీస్‌గఢ్‌
ఛత్తీస్‌గఢ్‌లోని బస్తర్‌ జిల్లాలో దారుణం జరిగింది. పెళ్లిమండపంలోనే వధూవరులపై ఓ దుండగుడు యాసిడ్‌ దాడికి పాల్పడ్డాడు. ఈ ఘటనలో మరో 10 మంది కూడా గాయపడ్డారు. భాన్‌పుర్‌ పోలీసు స్టేషన్‌ పరిధిలోని ఛోటే అమబల్‌ గ్రామంలో బుధవారం సాయంత్రం 7 గంటల సమయంలో వివాహం జరుగుతుండగా కరెంటు పోయింది. అదే అదనుగా భావించిన దుండగుడు.. వధూవరులపై యాసిడ్‌ పోశాడు. దాంతో వారిద్దరూ తీవ్రంగా గాయపడ్డారు. మరో 10 మంది బంధువులపైనా యాసిడ్‌ పడి గాయాలయ్యాయి. బాధితులను ఆసుపత్రికి తరలించి చికిత్స అందిస్తున్నారు.
మీ స్నేహితులకు రికమెండ్ చెయ్యండి
