నవతెలంగాణ - అమెరికా: అమెరికన్‌ ఎయిర్‌లైన్స్‌కు చెందిన 737 బోయింగ్‌ విమానం ఒహాయెలోని కొలంబస్‌ ఇంటర్నేషనల్‌ ఎయిర్‌పోర్ట్‌ నుంచి ఫీనిక్స్‌కు బయలుదేరింది. విమానం టేకాఫ్‌ అయిన 25 నిమిషాలకే ఓ పక్షుల గుంపు దాన్ని ఢీ కొట్టింది. ఈ తరుణంలో విమానం కుడి వైపునున్న ఇంజిన్‌ నుంచి పొగలు వచ్చి తరువాత మంటలు చెలరేగాయి. అప్రమత్తమైన పైలట్‌ విమానాన్ని కొలంబస్‌ విమానాశ్రయంలో అత్యవసర ల్యాండింగ్‌ చేసినట్లు ఎయిర్‌పోర్ట్‌ అధికారులు ఓ ప్రకటనలో వెల్లడించారు. ఈ ఘటనలో ఎవరికీ ఎలాంటి ప్రమాదం జరగకపోవడంతో అంతా ఊపిరి పీల్చుకున్నారు.
మీ స్నేహితులకు రికమెండ్ చెయ్యండి
