నవతెలంగాణ-హైదరాబాద్ : ప్రముఖ కమెడియన్‌, జబర్దస్త్‌ ఫేం చలాకీ చంటి అస్వస్థతతో ఆస్పత్రిలో జాయిన్‌ అయిన విషయం తెలిసిందే. చంటికి ఛాతినొప్పి రావడంతో ఆయన్ను కుటుంబసభ్యులు వెంటనే హైదరాబాద్‌లోని ఓ ప్రయివేటు ఆస్పత్రికి తరలించారు. చంటిని పరీక్షించిన డాక్టర్లు గుండెపోటుగా గుర్తించి.. వెంటనే ఐసీయూకు తరలించి చికిత్సనందించారు. రక్తనాళాల్లో పూడికలున్నట్టు గుర్తించిన డాక్టర్లు స్టంట్‌ వేసినట్టు తెలుస్తోంది. తాజా అప్‌డేట్ ప్రకారం చంటి ఆరోగ్యం నిలకడగా ఉందని, ప్రస్తుతం ఐసీయూలో చికిత్స కొనసాగుతుందని సమాచారం. అయితే చంటి ఆరోగ్య పరిస్థితిపై ఆయన కుటుంబ సభ్యులు ఏమైనా స్పందిస్తే పూర్తిగా స్పష్టత వచ్చే అవకాశాలున్నాయి.