నవతెలంగాణ-హైదరాబాద్: తెలంగాణలోని యూనివర్సిటీల్లో సంప్రదాయ పీజీ కోర్సుల ప్రవేశానికి నిర్వహించే పీజీ ఉమ్మడి ప్రవేశ పరీక్ష (సీపీగెట్‌) షెడ్యూల్‌ ఖరారైంది. ఈ నెల 12వ తేదీ నుంచి జూన్ 11 వరకు ఆన్‌లైన్‌లో సీపీగెట్‌ దరఖాస్తులు స్వీకరించనున్నారు. ఆలస్య రుసుంతో కలిపి జూన్ 20వ తేదీ వరకు దరఖాస్తులు తీసుకోనున్నారు. జూన్ చివరి వారంలో ప్రవేశ పరీక్షలు జరగనున్నాయి. ఉస్మానియా, కాకతీయ, తెలంగాణ, పాలమూరు, మహాత్మాగాంధీ, శాతవాహన, జేఎన్‌టీయూహెచ్‌, మహిళా యూనివర్సిటీల్లో ఎంఏ, ఎంకాం, ఎంఎస్‌సీ తదితర సంప్రదాయ పీజీ కోర్సుల్లో సీపీగెట్‌ ద్వారా ప్రవేశాలు కల్పించనున్నారు.
మీ స్నేహితులకు రికమెండ్ చెయ్యండి
