నవతెలంగాణ-హైదరాబాద్ : ఇటీవల జరిగిన యూపీఎస్సీ కంబైన్డ్‌ డిఫెన్స్‌ సర్వీసెస్‌ రాత పరీక్ష ఫలితాలు విడుదలయ్యాయి. ఈ ఫలితాలను యూపీఎస్సీ గురువారం తన అధికారిక వెబ్‌సైట్‌లో అందుబాటులో ఉంచింది. ఏప్రిల్‌ 16న రాత పరీక్ష జరగ్గా.. వేలాది మంది అభ్యర్థులు హాజరయ్యారు. వీరిలో 6,518మంది అర్హత సాధించి ఇంటర్వ్యూలకు ఎంపికైనట్టు యూపీఎస్సీ వెల్లడించింది. క్వాలిఫై కాని అభ్యర్థుల మార్కుల షీట్లను 15 రోజుల్లోపు తమ అధికారిక వెబ్‌సైట్‌లో అందుబాటులో ఉంచనున్నట్టు పేర్కొంది. సీడీఎస్ ద్వారా రక్షణ రంగంలో మొత్తం 341 ఉద్యోగాలకు గతేడాది డిసెంబర్‌లో నోటిఫికేషన్‌ విడుదల చేసిన విషయం తెలిసిందే.
మీ స్నేహితులకు రికమెండ్ చెయ్యండి
