నవతెలంగాణ బ్యూరో - హైదరాబాద్‌
'స్టేట్‌ లెవెల్‌ అనాలసిస్‌ ఆప్‌ అక్రిడిటేషన్‌ హయ్యర్‌ ఎడ్యుకేషన్‌ ఇన్‌స్టిట్యూషన్స్‌ ఆఫ్‌ తెలంగాణ'అనే పుస్తకాన్ని నేషనల్‌ అసెస్‌మెంట్‌ అండ్‌ అక్రిడిటేషన్‌ కౌన్సిల్‌ (న్యాక్‌) సమావేశంలో వర్సిటీ చాన్సలర్‌, గవర్నర్‌ తమిళిసై సౌందరరాజన్‌ మంగళవారం బెంగుళూరులో ఆవిష్కరించారు. ఉన్నత విద్యను అందించే కాలేజీలు, విశ్వవిద్యాలయాలు నాణ్యమైన చదువును అందించడమే ఈ పుస్తకం లక్ష్యమని ఆమె ప్రకటించారు. ఈ కార్యక్రమంలో న్యాక్‌ డైరెక్టర్‌ ఎస్‌సీ శర్మ, ఉన్నత విద్యామండలి చైర్మెన్‌ ఆర్‌ లింబాద్రి, వైస్‌ చైర్మెన్‌ వి వెంకటరమణ, మహాత్మాగాంధీ విశ్వవిద్యాలయం వీసీ సిహెచ్‌ గోపాల్‌రెడ్డి తదితరులు పాల్గొన్నారు.