నవతెలంగాణ బ్యూరో - హైదరాబాద్
రాష్ట్రానికి చెందిన ప్రముఖ పర్వతారోహకురాలు మలావత్‌ పూర్ణ గురువారం మంత్రి కే.తారకరామారావును ప్రగతిభవన్‌లో కలిశారు. ఈ సందర్భంగా తన జీవితం ఆధారంగా వచ్చిన ''పూర్ణ'' పుస్తకాన్ని మంత్రికి అందజేశారు. ఈ సందర్భంగా పూర్ణ ప్రస్థానాన్ని అభినందించిన మంత్రి కేటీఆర్‌, ఆమె భవిష్యత్‌ ప్రణాళికల గురించి అడిగి తెలుసుకున్నారు. పూర్ణ భవిష్యత్‌ ప్రయత్నాలకు సైతం గతంలో మాదిరిగానే ప్రభుత్వం సంపూర్ణ ప్రోత్సాహాన్ని అందిస్తుందని హామీ ఇచ్చారు. తనకు ప్రభుత్వం నుంచి అందుతున్న ప్రోత్సాహం పట్ల పూర్ణ మంత్రి కేటీఆర్‌కు ధన్యవాదాలు తెలిపారు.
మీ స్నేహితులకు రికమెండ్ చెయ్యండి
