- 1535 యూనియన్‌ క్యాలెండర్‌, డైరీ ఆవిష్కరణలో జెన్కో ట్రాన్స్‌కో సీఎండీ ప్రభాకర్‌రావు
- హైదరాబాద్‌లో యూనియన్‌ కార్యాలయానికి శంకుస్థాపన
నవతెలంగాణ-పాల్వంచ
విద్యుత్‌రంగంలో ఉద్యోగ, కార్మికులు సంస్థ అభివృద్ధి కోసం కృషి చేయాలని తెలంగాణ జెన్కో, ట్రాన్స్‌కో సీఎండీ దేవులపల్లి ఫ్రభాకర్‌రావు అన్నారు. ఆదివారం తెలంగాణ స్టేట్‌ పవర్‌ ఎంప్లాయిస్‌ యూనియన్‌ (1535) 2022 నూతన సంవత్సర పవర్‌ డైరీని హైదరాబాద్ కార్యాలయంలో ఆవిష్కరించారు. అనంతరం సిటీలో ఎర్రగడ్డ ప్రాంతంలో యూనియన్‌ కార్యాలయానికి శంకుస్థాపన చేశారు. ఈ సందర్భంగా ఆయన మాట్లాడుతూ.. సమిష్టి కృషితోనే అభివృద్ధి సాధిస్తామనీ, ఆ దిశగా కార్మిక సంఘ నాయకులు కృషి చేయాలని సూచించారు. కార్యక్రమంలో ఎన్‌పీడీసీఎల్‌ సీఎండీలు రఘమారెడ్డి, గోపాలరావు, టీఎస్‌పీఈఏ (1535) సెంట్రల్‌ కమిటీ అధ్యక్ష కార్యదర్శులు ఎంఏ వజీర్‌, డి.రాధాకృష్ణ, టీఎస్‌ జెన్కో అధ్యక్ష, కార్యదర్శులు పి.రాము, జి.కుమారస్వామి, 1535 అనుబంధ సంస్థ హెచ్‌ 48 నాయకులు జి.సతీష్‌, కేటీపీఎస్‌ రీజియన్‌ అధ్యక్ష, కార్యదర్శులు దానయ్య, వెంకటేశ్వర్లు, మణుగూరు బీటీపీిఎస్‌ అధ్యక్షులు వెలదండి ప్రసాద్‌, తదితరులు పాల్గొన్నారు.
