నవతెలంగాణ బ్యూరో - హైదరాబాద్‌
రాష్ట్రంలో కొత్తగా 2,047 మందికి కరోనా సోకింది. ముగ్గురు మరణించారు. శనివారం సాయంత్రం 5.30 గంటల నుంచి ఆదివారం సాయంత్రం 5.30 గంటల వరకు 55,883 మందికి టెస్టులు చేయగా బయటపడినట్టు కోవిడ్‌-19 మీడియా బులెటిన్‌ వెల్లడించింది. 9,829 మంది రిపోర్టులు రావాల్సి ఉంది. రాష్ట్రంలో ప్రస్తుతం 22,048 యాక్టివ్‌ కేసులున్నాయి. జిల్లాల వారీగా చూస్తే జీహెచ్‌ఎంసీలో అత్యధికంగా 1,174 మందికి కరోనా సోకింది. కాగా శనివారంతో పోలిస్తే ఆదివారం జీహెచ్‌ఎంసీతో సహా 14 జిల్లాల్లో కేసులు పెరిగాయి. 18 జిల్లాల్లో తగ్గాయి. యాదాద్రి-భువనగిరి జిల్లాలో మాత్రం ఎలాంటి మార్పు లేదు. పాజిటివ్‌ రేటు 3.66 శాతంగా నమోదయింది.