నవతెలంగాణ బ్యూరో - హైదరాబాద్‌
రాష్ట్రవ్యాప్తంగా కరోనా కేసులు పెరుగుతున్న కారణంగా హైకోర్టుతోపాటు రాష్ట్రంలోని అన్ని కోర్టుల్లోనూ ప్రత్యక్ష విచారణను నిలిపివేస్తూ హైకోర్టు సోమవారం ఉత్తర్వులు జారీ చేసింది. మంగళవారం నుంచి ఫిబ్రవరి నాలుగో తేదీ వరకు ఆన్‌లైన్‌లో కేసుల విచారణ జరుగుతాయని రిజిస్ట్రార్‌ జనరల్‌ డాక్టర్‌ డి నాగార్జున నోటిఫికేషన్‌ జారీ చేశారు. జిల్లాల్లోని కోర్టుల్లో ఉదయం10.30 గంటల నుంచి సాయంత్రం 5గంటల వరకు ఆన్‌లైన్‌లో కేసుల విచారణ ఉంటు ందని వివరించారు.కరోనా నియంత్రణకు కేంద్ర, రాష్ట్ర ప్రభుత్వాల మార్గదర్శకాలను విధిగా అమలు చేయాలని సూచించారు. 2016 ఏడాదికి ముందున్న కేసుల విచారణకు ప్రాధాన్యత ఇవ్వాలని కోరారు.