- కుల నిర్మూలన వేదిక..
నవతెలంగాణ బ్యూరో-హైదరాబాద్‌
చినజీయర్‌ స్వామిని వెంటనే అరెస్టు చేయాలని కుల నిర్మూలన వేదిక(కేఎన్‌వీ) రాష్ట్ర అధ్యక్ష కార్యదర్శులు పాపని నాగరాజు, బూర్గుల నాగేందర్‌ గురువారం ఒక ప్రకటనలో డిమాండ్‌ చేశారు. పంది మాంసం తింటే పంది ఆలోచనలు, మేక మాంసం తింటే మేక ఆలోచనలు, కోడి మాంసం తింటే కోడి లాగా పెంటకుప్పల్లో ఏరుకతింటారంటూ ప్రజల మనోభావాలు దెబ్బతినే విధంగా చినజీయర్‌ వ్యాఖ్యలు చేయటం తగదని తెలిపారు. ప్రజస్వామ్యం, రాజ్యాంగంపై ఏ మాత్రం గౌరవం లేకుండా ఆయన ఇలాంటి వ్యాఖ్యానాలు చేశారని పేర్కొన్నారు. దళితులు, గిరిజనులపై అనుచిత వ్యాఖ్యలు చేసిన జీయర్‌పై ఎస్సీ, ఎస్టీ అట్రాసిటీ కేసు నమోదు చేసి అరెస్టు చేయాలని డిమాండ్‌ చేశారు.